Fótbolti.net

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

Cecilía Rán: Fannst við standa okkur ótrúlega vel

Óvænt í byrjunarliði Íslands - „Svo mikill heiður"

Steini Halldórs: Samkvæmt reglum á að stoppa leikinn

Jói Bjarna: Auðvitað finnst mér þetta erfitt og skrítið

Glódís Perla: Ef við viljum vera áfram í hæsta gæðaflokki þá verðum við að setja fjármagn í þetta

Guðrún: Komið alveg hálft ár síðan við hittumst síðast

Steini landsliðsþjálfari: Trú og hugrekki gegn heimsmeisturunum

Hlín Eiríks: Við leikmenn hefðum viljað hafa verkefni í síðasta glugga

Birta Georgs: Fannst ég ekki geta hafnað því

Elín Helena: Ein heima að gera mig til fyrir fimmtugsafmæli

Sveindís Jane: Erum ekki að fara vinna þær í því og það er í lagi

Sölvi: Við gerðum okkar og nú vonar maður að þeir geri sitt

Venni: Ef þetta eru lög þá þarf að óska eftir lagabreytingu

Benoný Breki: Ég þarf að halda áfram að vera jákvæður

þri 11. maí 2021 21:10

Sæbjörn Þór Þórbergsson Steinke
Boginn

Andri Hjörvar: Verða gjöra svo vel að vera á tánum allan leikinn

Það liggur stundum við að sá þjálfari sem kallar hæst fái dóminn með sér

Mynd: Fótbolti.net - Sævar Geir Sigurjónsson

„Svekkelsi, það er alltaf hundleiðinlegt að tapa leik. Sérstaklega þegar það er lagt svo mikið púður í leikinn," sagði Andri Hjörvar Albertsson, þjálfari Þór/KA, eftir tap gegn Selfossi í Boganum í kvöld.

„Stelpurnar reyndu hvað þær gátu og því miður dugði það ekki í dag."

Lestu um leikinn: Þór/KA 0 - 2 Selfoss

Hvað var Andri ósáttur með í leik sinna leikmanna?

„Það eru þessi augnablik sem skipta svo miklu máli í þessari íþrótt. Það er andartaks einbeitingarleysi og það getur skilið á milli sigurs, jafnteflis og taps. Við áttum kannski tvö slík augnablik, örfá fleiri kannski, og fengum á okkur tvö mörk í kjölfarið. Þannig þetta er afskaplega dýrt. Mínar stelpur verða að gjöra svo vel að vera á tánum allan leikinn, annars fer sem fer."

Fannst þér þitt lið komast í góðar stöður nægilega oft sóknarlega?

„Já, sérstaklega í fyrri hálfleik. Hérna úti í hornunum náðum við að mynda trekk í trekk stöður tveir á einn, tveir á tvo, einn á einn, til að valda usla. Það var uppleggið að vera ekkert að dæla krossum inn í þar sem þær eru með stóra hafsenta. Við ætluðum að spila á jörðinni og í krignum það. Mér fannst það takast afar vel á köflum, sérstaklega í fyrri hálfleik."

Andri var spurður út í inn á köll frá bekkjunum í dag.

„Ég þekki nú Alfreð alveg ágætlega og þetta er hans stíll, kannski smitast maður eitthvað aðeins af honum. Það eru einmitt þessi köll, stundum finnst mér þau, köllin hjá þjálfurum, vera fullmikil og hafa fullmikil áhrif á dómarana. Það liggur stundum við að sá þjálfari sem kallar hæst fái dóminn með sér. Þetta er parur af leiknum, Alfreð er tilfinningamaður á hliðarlínunni og ég líka. Ég skil alla þjálfara sem eru gargandi og gólandi," sagði Andri.

Viðtalið í heild sinni má sjá í spilaranum hér að ofan.