Fótbolti.net

Steini: Hún er á mun betri stað en fyrir hálfu ári

Davíð Örvar: Við gefum öllum liðum leik

Maggi: Hann átti frábæran leik í dag

41 árs Birkir Már: Vonandi í síðasta skipti sem ég næ ekki 90 mínútum

Valdimar Þór: Skil dómarann að gefa mér gult

Daniel Badu: Þessi leikur sýndi okkur að við eigum enn eitthvað í land

Sölvi Geir um óvænta innkomu Sveins Margeirs: Þetta er okkar leikmaður og við pössum upp á þá

„Þurfum að læra sem lið að loka þessum leikjum"

Mikael Egill svekktur: Hann hló og sagði ekki séns

Arnar: Leið eins og við værum að spila á móti liði frá 1980

Orri Steinn þakklátur - „Maður tekur þessu ekki sem sjálfsögðum hlut"

Jasmín Erla: Það er galið að maður sé að spila í þessu

Ian Jeffs: Ég ætla ekki að tjá mig um það

Tomasz Luba: Það er ekkert lélegt að koma hingað og tapa 3-1

„Frábær áskorun að vera spáð góðu gengi frekar en að vera brandaralið"

Siggi Höskulds: Eina markmið leiksins og vikunnar var að bæta fyrir það

Bjarni: Held ég hafi aldrei hitt hann svona vel

Orri um andlega áskorun: Einn af fáum jákvæðum punktum úr þessu

Arnar á keppnisvellinum: Leikstíll sem er ekki allra

Bestur í Mjólkurbikarnum: Vonandi virka markaskórnir í kvöld

lau 11. maí 2024 16:53

Sölvi Haraldsson

Ætlaði að halda liðsfund en var stoppaður - „Frábærlega gert hjá þeim“

Mynd: Fótbolti.net - Hafliði Breiðfjörð

„Ég var gífurlega ánægður með það hvernig við spiluðum þennan leik bæði varnarlega og sóknarlega. Það tók smá tíma að finna taktinn en við vorum fljótir að því. Strákarnir kláruðu þennan leik alveg feykilega vel.“ sagði Jón Þór Hauksson, þjálfari Skagamanna, eftir 3-0 sigur á Vestra í dag.

Lestu um leikinn: ÍA 3 - 0 Vestri

Það hefur mikið verið talað um Akranesvöllinn í upphafi móts en Jón Þór segir að hann hafi verið óleikhæfur í vikunni.

„Völlurinn er geggjaður. En staðan er náttúrulega þannig að hann er 70 ára gamall þessi völlur, hann drenar ekki neitt. Staðan á honum á mánudag, þriðjudag og framan af miðvikudegi var ekki góð. Hann er mjúkur og hann er þungur. Sem betur fer náðum við að gera hann leikhæfan á fimmtudeginum. Það er erfitt að hlaupa og spila á honum.“

„Ég er mjög ánægður með vinnuframlagið hjá strákunum í dag. Það kostar helvíts hörku og baráttu að vinna þetta lið. Við gerðum það og ég var gífurlega ánægður með mína menn í dag.“

Fyrir leik var Marko Vardic í leikbanni, Arnór Smára, Albert Hafsteins, Rúnar Már og Hlynur Sævar eru allir að glíma við meiðsli í dag. Jón Þór var gífurlega ánægður með þá menn sem komu inn í liðið fyrir þá í dag.

„Staðan er ekki nógu góð á hópnum. Þetta eru margir menn á miðsvæðinu sem vantaði hérna í dag. En þeir sem komu inn í leikinn í dag voru stórkostlegir. Guðfinnur var valinn maður leiksins og Ingi var einnig algjörlega frábær.“

Jón Þór kemur þá inn á að það er lengra í Hlyn og Albert en hann vonast til þess að geta séð Rúnar Má og Arnór Smárason koma til baka á næstunni.

Það kom upp atvik í seinni hálfleik þegar Árni Marinó meiddist og þurfti að fá aðhlynningu að Jón Þór ætlaði að taka smá fund með sínum mönnum. Hann hins vegar var stoppaður af Gunnari Oddi, fjórða dómara, og eftir leik finnst honum það hafa verið frábærlega gert hjá Gunnari að stoppa hann.

„Ég ætlaði bara að nota tækifærið og ræða við mína menn en hann (fjórði dómarinn) stoppaði mig með það og ég er gríðarlega ánægður með það. Mér fannst þeir leysa það mjög vel. Liðin hafa verið að gera þetta í upphafi móts. Það er bara frábært að þeir hafi ráð til þess að taka á því. Frábærlega gert hjá þeim.“ sagði Jón Þór Hauksson, þjálfari ÍA, í dag eftir 3-0 sigur á Vestra.