Fótbolti.net

Ólafur Ingi: Þurfum að spila með stæl og sjá hvert það tekur okkur

Birkir Már um landsliðið: Alltaf tilbúinn ef kallið kemur

Höskuldur: Fjórir úrslitaleikir eftir

Tufa: Ég er góður í stærðfræði

Dóri Árna um Evrópubaráttuna: Getur sveiflast í hverri umferð

Gústi Gylfa: Valsmenn með gæði og refsa

Óskar Örn Hauksson: Við gerðum ekki nóg

Gunnar Magnús: Það sauð svolítið á okkur

Brynjar Björn: Ekki mikið sem við gerðum vitlaust

Hans Viktor: Við ætlum að fara að vinna leiki

Rúnar Kristins: Þetta var barátta við klukkuna

Ási Arnars: Auðvelt að flauta okkur útúr þessu

Sveindís Jane: Hef heyrt af miklum áhuga að utan

Rúnar Páll: Fjölnismenn hafa spilað vel

Natasha: Höfum bætt okkur í því að klára leikina

Sjáðu Pepsi Max fögnuð Keflavíkur

Magnús Örn: Búið að vera ótrúlega lærdómsríkt tímabil

Logi Ólafs: Reynum að landa sigrum og sjáum hvað gerist

Einar: Byrjaðir að setja nöfn á blað fyrir næsta ár

Jói Kalli um Stefán Teit og Tryggva: Búið að samþykkja tilboð erlendis frá í báða þessa leikmenn

mið 16. september 2020 19:23

@saebjornth

Sæbjörn Þór Þórbergsson Steinke

Gaui Þórðar sendir pillu: Umhugsunarefni fyrir KSÍ að hafa menn eins og þennan starfandi á vellinum

Mynd: Fótbolti.net - Hafliði Breiðfjörð

Gaui var svekktur að Sveinn Elías Jónsson hafi ekki fengið gult spjald fyrir brot á Gonza.

Mynd: Fótbolti.net - Hafliði Breiðfjörð

„Vonbrigði, mikil vonbrigði," sagði Guðjón Þórðarson, þjálfari Ólafsvíkinga, eftir tap gegn Þór í dag.

Lestu um leikinn: Þór 1 - 0 Víkingur Ó.

Fyrsta spurningin sem Gaui fékk var út í markmannsvalið en Aron Elí Gíslason lék sinn fyrsta leik fyrir Ólafsvíkinga og Konráð Ragnarsson, sem hafði varið mark liðsins í undanförnum leikjum, sat á bekknum.

„Konni var meiddur. Hann hefur spilað meiddur í þrjá leiki - meiddist í vinnunni og hefur verið að drepast í lærinu. Hann finnur til í hverju sparki. Það var ekki hægt að taka þann séns að vöðvinn myndi rifna."

Ólafsvíkingar ákváðu að byrja með vindi í fyrri hálfleik. Hvers vegna?

„Það var ákvörðun sem var tekin og við héldum að það væri hægt að treysta veðrinu hér á Akureyri en það er greinilega ekki hægt að treysta neinu á Akureyri lengur."

Var annað sem Ólsarar voru að treysta á sem gekk ekki upp? „Við treystum á sanngjarna dómgæslu en fengum hana svo sannarlega ekki."

Hvað var það í dómgæslunni sem Gaui er ósáttur með? „T.d. markið. Boltinn er á ferð þegar aukaspyrnan er tekin, kolólöglegt mark. Líka ósáttur með meðferðina á Gonza í byrjun leiks. Hann er tekinn niður í skipti eftir skipti. Hann er tekinn gróflega niður þrisvar sinnum í fyrri hálfleik og engin refsing við því. Þegar þú tekur mann niður með ásetningi þá ber að refsa með gulu spjaldi - seinna gula spjaldið hefði átt að koma í fyrri hálfleik. Maðurinn sem braut þrisvar á Gonza í fyrri hálfleik fékk einu sinni tiltal. Dómgæsla með þessum hætti getur ekki verið eðlileg. Eins og Þórsararnir spila þá er það mjög sérstakt [að þeir fá ekki eitt gult spjald] og segir meira um starfsmann leiksins heldur en nokkuð annað. Það er umhugsunarefni fyrir KSÍ að hafa menn eins og þennan mann starfandi á vellinum því hann er ekki boðlegur deildinni. Deildin er skemmtileg þetta er hörku fótbltadeild og við þurfum að fá góða fagmenn til að stýra leikjunum en í dag brást það algjörlega."

Það var hvöss sunnanátt á Þórsvelli í dag og sagði Guðjón að veðrið hefði versnað þegar leið á daginn. Guðjón segir að við fyrstu sýn hafi Aron Elí átt að gera betur í marki Þórsara en hann var svekktari út í að aukaspyrnan hafi verið tekin og engin athugasemd sett út á hreyfingu boltans. Gaui segir það ósanngjarnt að Ólsarar hafi tapað í dag og sagði hann að lokum að hann hefði sætt sig við eitt stig úr leiknum.

Viðtalið í heild sinni má sjá og hlusta á í spilaranum hér að ofan.

Athugasemdir

Nýjustu fréttirnar