„Maður er að velta fyrir sér hvað hálfleikarnir voru misjafnir hjá okkur, upphaf beggja hálfleikja er dapur hjá okkur, smá streita í okkur í byrjun leiks. Vinnum okkur út úr því og eigum mjög góðan fyrri hálfleik það sem eftir er, alveg virkilega góðan.“ Þetta sagði Kristján Guðmundsson, þjálfari Stjörnunnar eftir leik kvöldsins.
Lestu um leikinn: Stjarnan 1 - 2 Víkingur R.
„Við settum mjög skemmtilega pressu á þær, allar markspyrnur og bara alltaf þegar þær voru með boltann á sínum fyrsta þriðjungi, það gekk mjög vel, sérstaklega í fyrri hálfleik“
„Í seinni hálfleik gekk lítið og nánast ekki neitt þar sem að við fengum stanslausa langa bolta á varnarlínuna okkar og við bara vorum ekki nógu agresívar á að fara í boltann.“
Var eitthvað í leik Víkings sem kom ykkur á óvart í dag? „Nei nei þær gera alltaf það sama.“
„Það er mjög góð stemming hjá okkur við erum nýkomin heim úr æfingarferðinni, það er bara ekkert nema stemning hjá okkur og við munum rífa okkur í gang eftir þetta, maður hefur séð það svartara’’ Þetta sagði Kristján aðspurður um stemminguna fyrir komandi tímabili.
Viðtalið má sjá í heild sinni í spilaranum hér fyrir ofan.
