Fótbolti.net

fös 01. apríl 2022 23:59

Sæbjörn Þór Þórbergsson Steinke

Kristjana Arnars spáir í 30. umferð ensku úrvalsdeildarinnar

Mynd: Fótbolti.net - Hafliði Breiðfjörð

Eriksen hefur spilað vel eftir endurkomuna á völlinn.

Mynd: EPA

Bruno Fernandes

Mynd: EPA

Á morgun hefst 30. umferðin í ensku úrvalsdeildinni þegar Liverpool tekur á móti Watford í hádegisleiknum. Sex leikir eru til viðbótar á laugardeginum, tveir á sunnudeginum og umferðinni lýkur svo með viðureign Crystal Palace og Arsenal á mánudag.

Kristjana Arnarsdóttir, íþróttafréttakona á RÚV og spyrill í Gettu betur, spáir í leiki umferðarinnar.

Arnór Gauti Ragnarsson, leikmaður Hönefoss í Noregi, spáði í leiki síðustu umferðar og var með fimm rétta.

Svona spáir Kristjana leikjum umferðarinnar:

Liverpool 1-0 Watford
Þetta verður strembinn leikur fyrir Liverpool, margir að koma úr landsleikjatörn og það verður eitthvað smá basl á heimamönnum. Þeim tekst þó að sækja þessi þrjú stig sem skipta víst öllu máli.

Brighton 2-0 Norwich
Þetta er einn verulega óspennandi leikur, guð hjálpi mér. Það er löngu hætt að vera gaman hjá Norwich, Brighton verður skárra liðið í þessum leik og nær að pota inn tveimur.

Burnley 0-3 Manchester City
Kevin De Bruyne og Riyad Mahrez verða í stuði og sjá um mörkin á Turf Moor. Burnley verður bara áfram í sama baslinu, því miður.

Chelsea 2-1 Brentford
Eigum við ekki að segja að Christian Eriksen spili og að hann haldi dampi og skori fyrir Brentford eftir þessa glimrandi fínu landsleiki. Chelsea heldur samt sigurgöngu sinni í deildinni áfram og vinnur, þó svo að sigurinn verði ekki stór.

Leeds 2-0 Southampton
Ég er auðvitað mikill laumu-Leedsari svo ég spái þeim 2-0 sigri. Bandaríkjamaðurinn á hliðarlínunni er stemningsmaður og hann tekur þessi þrjú stig á Elland Road og Leeds nær að rífa sig aðeins frá fallsvæðinu.

Wolves 0-0 Aston Villa
Ekkert að frétta hér.

Manchester United 2 - 1 Leicester
Ég ætla rétt að vona að Bruno Fernandes mæti með læti eftir mörkin sín fyrir Portúgal og glænýjan samning í farteskinu. Maður minn lifandi hvað ég vona að United vinni þennan leik og þess vegna spái ég þeim sigri.

West Ham 2 - 0 Everton
Þrátt fyrir þennan stórundarlega sigur Everton á Newcastle í síðustu umferð mun West Ham klára þenna leik heldur þægilega. Hamrarnir eru líka ennþá hátt uppi eftir Evrópudeildarfjörið gegn Sevilla.

Tottenham 2 - 0 Newcastle
Það er mjög auðvelt að halda með Eddie Howe en Tottenham verður aðeins of stór biti fyrir Newcastle.

Crystal Palace 1-1 Arsenal
Þetta verður þrælskemmtilegur leikur. Palace er búið að vera í stuði upp á síðkastið og ég held að heimamenn muni skemma aðeins fyrir Arsenal. Spáum jafntefli og fáum smá hasar í baráttuna um þetta fjórða sæti.

Fyrri spámenn:
Arnór Sig - 6 réttir
Hörður Björgvin - 6 réttir
Sveindís Jane - 6 réttir
Venni Páer - 6 réttir
Arnór Gauti - 5 réttir
Aron Þrándar - 5 réttir
Siffi G - 5 réttir
Davíð Snær - 5 réttir
Benni Gumm - 5 réttir
Mist Edvards - 5 réttir
Karitas - 5 réttir
Jeppkall - 4 réttir
Ísak Bergman - 4 réttir
Albert Brynjar - 4 réttir
DigiticalCuz - 4 réttir
Sammi - 4 réttir
Janus Daði - 4 réttir
Arnar Laufdal - 3 réttir
Áslaug Munda - 3 réttir
Elías Már - 3 réttir
Orri Steinn - 3 réttir
Villi Neto - 2 réttir
Davíð Atla - 2 réttir
Bjarki Már - 1 réttur

		L	U	J	T	ms:	mf:	mun	Stig
1	Arsenal	37	25	7	5	69	26	+43	82
2	Man City	36	23	8	5	75	32	+43	77
3	Man Utd	37	19	11	7	66	50	+16	68
4	Aston Villa	37	18	8	11	54	48	+6	62
5	Liverpool	37	17	8	12	62	52	+10	59
6	Bournemouth	36	13	16	7	56	52	+4	55
7	Brighton	37	14	11	12	52	43	+9	53
8	Brentford	37	14	10	13	54	51	+3	52
9	Sunderland	37	13	12	12	40	47	-7	51
10	Chelsea	36	13	10	13	55	49	+6	49
11	Newcastle	37	14	7	16	53	53	0	49
12	Everton	37	13	10	14	47	49	-2	49
13	Fulham	37	14	7	16	45	51	-6	49
14	Leeds	37	11	14	12	49	53	-4	47
15	Crystal Palace	37	11	12	14	40	49	-9	45
16	Nott. Forest	37	11	10	16	47	50	-3	43
17	Tottenham	36	9	11	16	46	55	-9	38
18	West Ham	37	9	9	19	43	65	-22	36
19	Burnley	37	4	9	24	37	74	-37	21
20	Wolves	37	3	10	24	26	67	-41	19