Fótbolti.net

Átti sinn besta leik til þessa gegn gömlu félögunum - „Ótrúleg stemning"

Njarðvíkingar féllu á prófinu - „Eitthvað sem hann þarf að læra"

Magnaður dagur í Þorpinu - „Tímamótadæmi að fá svona stuðning"

Alli Jó: Algjörlega á okkur að ná í úrslit og vinna fótboltaleiki

Halli: Þetta gæti endað á að snúast um markatölu

Jón Daði: Er með háa standarda á sjálfum mér

Jóhann Birnir: 1-0 er hættuleg forysta

Bjarni Jó: Handónýtur fyrri hálfleikur

Gústi Gylfa: Náðum ekki alveg að spila okkar leik

„Hvernig færi viltu fá ef þú skorar ekki úr þessum?“

Hemmi: Tiltölulega slakur í stúkunni og naut þess að horfa á frábæran fótbolta

Þórsarar ósigraðir frá komu Greko - „Finnum lyktina af einhverju"

Agla María: Auðvitað hefði ég viljað fá þrennuna

Donni: Lang besta liðið á landinu

Hólmar: Vestri gerir það sem Vestri gerir vel

Túfa: Boltinn dansaði mjög oft á línunni í dag

Nik: Gott að komast aftur í deildar rútínu

Tilfinningaríkur Guy Smit klökkur í lokin - „langar bara að segja að ég elska þau"

Kom óvænt til Vestra - „Spurðu hvort ég vildi verða bikarmeistari og hér er ég í dag."

Mjólkurlyktandi Davíð Smári: Þakklátur stjórn Vestra fyrir hugrekkið að ráða mig

mið 03. apríl 2024 17:20

Sæbjörn Þór Þórbergsson Steinke
Kópavogsvelli

Vill fylgja á eftir draumnum í Danmörku - „Fattaði þetta ekki alveg"

'Það var erfitt að horfa á síðustu leiki, erfitt að sitja bara uppi í stúku, en ég hafði fulla trú á því að þær myndu klára þetta'

Mynd: Fótbolti.net - Hafliði Breiðfjörð

Sigrinum í Danmörku fagnað.

Mynd: EPA

'Í dag er ég smá teipuð en ég er góð'

Mynd: Fótbolti.net - Hafliði Breiðfjörð

„Leikurinn gegn Póllandi leggst mjög vel í, þetta er mjög gott lið og spenanndi að byrja þessa vegferð að komast á EM," sagði Fanney Inga Birkisdóttir við Fótbolta.net í gær.

Framundan er leikur gegn Póllandi í undankeppni EM. Leikurinn verður spilaður á Kópavogsvelli og hefst hann klukkan 16:45 á föstudag. Markvörðurinn er komin aftur í hópinn eftir að hafa meiðst í aðdraganda síðasta verkefni.

„Það er bara frábært að vera komin aftur, gaman að hitta stelpurnar aftur og takast á við þetta verkefni. Það var erfitt að horfa á síðustu leiki, erfitt að sitja bara uppi í stúku, en ég hafði fulla trú á því að þær myndu klára þetta."

„Ég datt úr lið á æfingu og það var bara horft á það þannig að það væri skynsamlegast að ég myndi ná mér alveg til baka. Þetta var skot, en það var ekki fast, eitthvað skrítið grip hjá mér, bara einhver óheppni. Í dag er ég smá teipuð en ég er góð."

Í undankeppninni mætir Ísland liðum Póllands, Austurríkis og Þýskalands heima og að heiman. „Riðillinn leggst mjög vel í mig, ég held að við eigum mjög góð tækifæri í honum og skemmtilegt að fá Þjóðverjana aftur."

Heldur þú að íslenska liðið sé á betri stað í dag en þegar liðið mætti Þýskalandi síðasta haust?

„Já, algjörlega. Við erum með tiltölulega ungt lið og erum að spila okkur saman. Ég held að við verðum bara betri með hverjum einasta leik."

Fanney varði mark Íslands gegn Danmörku í lokaleik riðilsins í Þjóðadeildinni. Það var hennar fyrsti landsleikur og var Fanney maður leiksins í sigri.

„Það er bara mjög gaman að koma inn eftir þann leik. Það er mitt að fylgja því eftir og sýna hvað í mér býr. Ég var smá í draumaheimi eftir þann leik, en svo þurfti maður að koma sér aftur niður á jörðina og fókusa á næsta leik og næsta tímabil."

„Það var mjög gaman að eiga þennan leik, sérstaklega á móti Danmörku líka. Þetta var smá súrrealískt líka, ég fattaði þetta ekki alveg fyrr en þetta var einhvern veginn bara búið og ég komin heim til Íslands," sagði Fanney.

Í viðtalinu er hún spurð út í Val og framtíðarhugsanir. Viðtalið í heild sinni má sjá í spilaranum efst.

Viðtölin eftir leikinn gegn Danmörku