Gunnar Magnús Jónsson var mjög svekktur eftir 5. tapið í röð í dag gegn KR í 15. umferð Pepsi-Max deild kvenna. Keflavík hafa aðeins náð í 1 stig af seinustu 15 mögulegum og situr liðið í fallsæti, tveim stigum frá öruggu sæti.

"Fyrst og fremst bara gríðarlegt svekkelsi og þvílik vonbrigði að tapa hér í dag, stelpurnar lögðu sig alla fram en því miður skilaði það engum stigum eða neinu stigi hér í dag" Sagði Gunnar eftir súrt tap.

Lestu um leikinn: Keflavík 1 -  2 KR

KR fengu víti á 78. mínútu sem gerði útslagið eftir að Katrín Ómarsdóttir skoraði af miklu öryggi og kláraði leikinn fyrir KR.
"Fyrst hann dæmdi víti er þetta þá ekki víti? Þetta var bara fúlt í þessu mómenti og það voru miklar tilfinningar í manni og maður var alls ekki sáttur og ég verð bara skoða þetta aftur, annars er bara fúlt að kyngja þessu að fá víti á sig í þessari stöðu hvort þetta var réttur dómur eða ekki." Hafði Gunnar að segja um þennan dóm.

Keflavík eiga næst Stjörnuna á útivelli og verður það mikilvægasti leikur þeirra í allt sumar og eru 3 punktar nauðsynlegir ef þær ætla að halda sér uppi.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit