Fótbolti.net

fös 20. janúar 2023 15:00

Sæbjörn Þór Þórbergsson Steinke

Logi Geirsson spáir í 21. umferð ensku úrvalsdeildarinnar

Logi Geirsson.

Mynd: Aðsend

Moyes bjargar starfinu.

Mynd: EPA

21. umferð ensku úrvalsdeildarinnar hefst í hádeginu á morgun með stórleik Liverpool og Chelsea. Alls fara sex leikir fram á morgun og á sunnudag er svo stórleikur Arsenal og Manchester United. Lokaleikur umferðarinnar er svo á mánudag þegar Fulham tekur á móti Tottenham.

Hjálmar Stefánsson, Íslands- og bikarmeistari í körfubolta, spáði í leiki síðustu umferðar. Hann var með fimm leiki rétta, tvö hárrétt úrslit.

Logi Geirsson, fyrrum landsliðsmaður í handbolta, spáir í leiki umferðarinnar. Logi var hluti af silfurliði Íslands á Ólympíuleikunum í Peking og verður hann í settinu þegar rætt verður um leik Íslands og Svíþjóðar á HM í handbolta í kvöld. Logi er einn af sérfræðingum RÚV í kringum mótið.

Sjá einnig:
Gugga leggur til að sænski markvörðurinn fái frí í kvöld
Fótboltinn minn: Logi Geirsson (2006)

Liverpool 1 – 1 Chelsea (laugardagur 12:30)
Bæði lið verið langt frá sínu besta upp á síðkastið. Chelsea með fullt af mönnum á meiðslalista. Seinustu fjórar rimmur liðana hafa endað jafntefli eftir 90 mínútur svo ég held mér við það.

Bournemouth 0 – 1 Nottingham Fores (laugardagur 15:00)
Tvö lið sem eru ekki mikið fyrir að skora. Bournemouth ekki skorað í seinustu fjórum deildarleikjum sínum. Forest þó búnir að vera heitir og munu vinna þennan leik.

Leicester 1 – 3 Brighton (laugardagur 15:00)
Brighton búnir að vera heitir upp á síðkastið og koma að fullum krafti inn í þennan leik eftir sannfærandi sigur á Liverpool um seinustu helgi.

Southampton 1 – 2 Aston Villa (laugardagur 15:00)
Southampton á botni deildarinnar og lærisveinar Unai Emery búnir að vera þokkalegir eftir HM.

West Ham 2 – 0 Everton (laugardagur 15:00)
Tvö af slökustu liðum deildarinnar, en eitthvað segir mér að West Ham taki þetta á heimavelli og Moyes bjargi starfinu sínu í bili.

Crystal Palace 0 – 2 Newcastle (laugardagur 17:30)
Newcastle búnir að vera frábærir þetta tímabilið. Crystal Palace voru slakir í seinasta leik gegn Manchester United en náðu sér þó í stig, sem gæti verið hvatning. Vörn Newcastle er þó of góð og munu þeir halda hreinu enn eina ferðina.

Leeds 1 – 2 Brentford (sunnudagur 14:00)
Brentford búnir að spila vel eftir HM og munu hér vinna Leeds á útivelli.

Manchester City 3 – 0 Wolves (sunnudagur 14:00)
Þægilegur heimasigur fyrir Manchester City, Haaland setur 2 jafnvel 3.

Arsenal 2 – 2 Manchester United (sunnudagur 16:30)
Stórleikur helgarinnar. Arsenal bestir í deildinni og Manchester United að reyna að koma sér í titilbaráttuna. Erik Ten Hag eini þjálfarinn sem hefur unnið Arsenal í deild þetta tímabilið og mun hann ræna af þeim stigum. Væri Casemiro ekki í banni tækju United þennan leik.

Fulham 1 – 1 Tottenham (mánudagur 20:00)
Baráttan um fimmta sætið. Jafntefli á Craven Cottage, Mitrovic og Kane með mörkin.

Fyrri spámenn:
Teddi Ponza - 8 réttir
Aron Mímir - 7 réttir
Nökkvi Þeyr Þórisson - 7 réttir
Óskar Smári - 6 réttir
Tómas Þór - 6 réttir
Hjálmar Stefánsson - 5 réttir
Jón Axel - 5 réttir
Arnar Daði - 5 réttir
Magnús Valur - 5 réttir
Albert Hafsteins - 4 réttir
Adam Ægir Pálsson - 4 réttir
Magnús Kjartan - 4 réttir
Höskuldur Gunnlaugs - 4 réttir
Ingimar Helgi Finnsson - 4 réttir
Arna Sif - 3 réttir
Viðar Hafsteins - 3 réttir
Oliver Heiðarsson - 1 réttir

		L	U	J	T	ms:	mf:	mun	Stig
1	Arsenal	38	26	7	5	71	27	+44	85
2	Man City	38	23	9	6	77	35	+42	78
3	Man Utd	38	20	11	7	69	50	+19	71
4	Aston Villa	38	19	8	11	56	49	+7	65
5	Liverpool	38	17	9	12	63	53	+10	60
6	Bournemouth	38	13	18	7	58	54	+4	57
7	Sunderland	38	14	12	12	42	48	-6	54
8	Brighton	38	14	11	13	52	46	+6	53
9	Brentford	38	14	11	13	55	52	+3	53
10	Chelsea	38	14	10	14	58	52	+6	52
11	Fulham	38	15	7	16	47	51	-4	52
12	Newcastle	38	14	7	17	53	55	-2	49
13	Everton	38	13	10	15	47	50	-3	49
14	Leeds	38	11	14	13	49	56	-7	47
15	Crystal Palace	38	11	12	15	41	51	-10	45
16	Nott. Forest	38	11	11	16	48	51	-3	44
17	Tottenham	38	10	11	17	48	57	-9	41
18	West Ham	38	10	9	19	46	65	-19	39
19	Burnley	38	4	10	24	38	75	-37	22
20	Wolves	38	3	11	24	27	68	-41	20