Fótbolti.net

fös 28. desember 2018 12:00

Magnús Már Einarsson

Benedikt Bóas spáir í leiki helgarinnar á Englandi

Benedikt Bóas Hinriksson.

Mynd: Birtingur

Liverpool heldur áfram á flugi samkvæmt spá Benna.

Mynd: Getty Images

Mata skorar í sigri Manchester United samkvæmt spá Benna.

Mynd: Getty Images

Íslenski landsliðsmaðurinn Arnór Sigurðsson var með fjóra rétta þegar hann spáði í leikina í ensku úrvalsdeildinni í vikunni.

Benedikt Bóas Hinriksson, blaðamaður á Fréttablaðinu, spáir í leiki helgarinnar að þessu sinni. Benedikt verður í Áramótakæfunni í útvarpsþætti Fótbolta.net á X-inu milli 12 og 14 á morgun en þar verður fótboltaárið 2018 gert upp á líflegan hátt.

Brighton 1 - 4 Everton (15:00 á morgun)
Þetta er frekar auðveldur 2. Maty Ryan er farinn úr markinu hjá heimamönnum og samkvæmt fréttum verður það annað hvort David Button eða Jason Steele sem stendur í rammanum. Þeir eru ekki nógu góðir fyrir Gylfa og félaga sem vinna með þremur mörkum.

Fulham 1 - 0 Huddersfield (15:00 á morgun)
Segjum 1 og minn gamli stormsenter, Mitrovic, bæti upp fyrir klúðrin í síðasta leik og skori sigurmarkið.

Leicester 3 - 0 Cardiff (15:00 á morgun)
Heldur ekki Puel áfram þessu góða gengi um jólin? Minn maður James Maddison leggur upp tvö og skorar eitt í öruggum 3:0 sigri.

Tottenham 0 - 1 Wolves (15:00 á morgun)
Merkilegt nokk þá þoli ég ekki Tottenham. Hef aldrei gert það. Eitt af þessum óþolandi liðum. Óska alltaf að þeim gangi illa. Reyndar er lélegasti miðjumaður deildarinnar, Eric Dyer, meiddur og því á Tottenham örlítið meiri von. En segjum að Úlfarnir verði léttleikandi og vinni. Tottenham eru jú nálægt toppnum og þá byrja þeir yfirleitt að hiksta.

Watford 0 - 1 Newcastle (15:00 á morgun)
Djöfull þoldi ég ekki að sjá Rafa gefast upp gegn Liverpool fyrir leik með því að hvíla leikmenn fyrir þennan leik. Vonandi að það gangi upp hjá honum. Óttast samt Watford. Þeir eru góðir. Segjum samt að mínir menn vinni þetta 0:1.

Liverpool 2 - 0 Arsenal (17:30 á morgun)
Þetta er svo sem ekkert flókið. Liverpool fær ekki á sig mark og Arsenal er með skelfilega óstöðuga miðju og slaka vörn. Þetta verður auðveldur 2:0 sigur. Leikarinn Salah og svikarinn Wijnaldum skora.

Crystal Palace 0 - 2 Chelsea (12:00 á sunnudag)
Maurizio Sarri er minn maður. Hann var búinn að lofa Loftus-Cheek einum leik í byrjunarliðinu og skildi hann eftir í þeim síðasta. Svo hann mun snúa aftur á Selhurst Park og skora. Hazard líka. Það er 0:2 lykt af þessum.

Burnley 0 - 4 West Ham (14:15 á sunnudag)
Ég sagði í upphafi að Burnley færi niður. Það hefur ekkert breyst. Auðveldur fjögurra marka sigur West Ham. Joe Hart er nefnilega í markinu - djöfull sem hann er lélegur að verja fótboltaskot.

Southampton 0 - 2 Man City (14:15 á sunnudag)
Obboslega vona ég að City vinni þennan leik svo við fáum spennandi deild. Það yrði leiðinlegt ef Liverpool myndi vinna hana með 15 stiga mun. Það væri samt fyndið ef trilljarða lið City bara gæti ekki neitt um jólin. Peningar geta nefnilega ekki keypt allt.

Manchester United 2 - 0 Bournemouth (16:30 á sunnudag)
Allir léttir ljúfir og kátir þarna á Old Trafford. Það þýðir sigur. 2:0 og segjum bara að Alexis Sánchez komi af bekknum og sýni að það séu enn töfrar í skónum. Mata skorar það fyrra.

Fyrri spámenn:
Auðunn Blöndal (8 réttir)
Steindi Jr. (8 réttir)
Baldur Sigurðsson (7 réttir)
Gaupi (6 réttir)
Kjartan Atli Kjartansson (6 réttir)
Rikki G (6 réttir)
Rúnar Alex Rúnarsson (6 réttir)
Sóli Hólm (6 réttir)
Jón Dagur Þorsteinsson (5 réttir)
Logi Ólafsson (5 réttir)
Logi Bergmann Eiðsson (5 réttir)
Jón Þór Hauksson (4 réttir)
Sam Hewson (4 réttir)
Siggi Hall (4 réttir)
Berglind Björg Þorvaldsdóttir (3 réttir)
Atli Fannar Bjarkason (2 réttir)
Kristjana Arnarsdóttir (2 réttir)
Teitur Örlygsson (2 réttir)

		L	U	J	T	ms:	mf:	mun	Stig
1	Arsenal	33	23	5	5	77	26	+51	74
2	Liverpool	33	22	8	3	75	32	+43	74
3	Man City	32	22	7	3	76	32	+44	73
4	Aston Villa	34	20	6	8	71	50	+21	66
5	Tottenham	32	18	6	8	65	49	+16	60
6	Newcastle	32	15	5	12	69	52	+17	50
7	Man Utd	32	15	5	12	47	48	-1	50
8	West Ham	34	13	9	12	54	63	-9	48
9	Chelsea	31	13	8	10	61	52	+9	47
10	Brighton	32	11	11	10	52	50	+2	44
11	Wolves	33	12	7	14	46	53	-7	43
12	Fulham	34	12	6	16	50	54	-4	42
13	Bournemouth	33	11	9	13	48	60	-12	42
14	Crystal Palace	33	9	9	15	42	56	-14	36
15	Brentford	34	9	8	17	52	59	-7	35
16	Everton	33	10	8	15	34	48	-14	30
17	Nott. Forest	34	7	9	18	42	60	-18	26
18	Luton	34	6	7	21	47	75	-28	25
19	Burnley	34	5	8	21	37	69	-32	23
20	Sheffield Utd	33	3	7	23	31	88	-57	16