Wrexham er að ganga frá kaupum á Nýja-sjálenska vinstri bakverðinum Liberato Cacace frá B-deildarliði Empoli, en þetta segir ítalski íþróttafréttamaðurinn Gianluca Di Marzio.
Wrexham mun spila í ensku B-deildinni á komandi leiktíð eftir að hafa hafnað í öðru sæti C-deildarinnar á síðasta tímabili.
Uppgangur Wrexham hefur verið ævintýralegur. Hollywood-leikararnir Ryan Reynolds og Rob McElhenney hafa lagt líf og sál í félagið síðan þeir keyptu það fyrir fimm árum.
Þeir félagarnir ætla að halda áfram að styrkja hópinn og gera það vel reiðubúið í átökin á komandi tímabili, en það er nú að landa Cacace frá Empoli, sem féll úr A-deildinni á Ítalíu á síðustu leiktíð.
Cace er 24 ára gamall og er fastamaður í landsliði Nýja-Sjálands.
Hann skoraði 2 mörk fyrir Empoli á síðasta tímabili og er nú nálægt því að ganga í raðir Wrexham fyrir um það bil 2 milljónir punda.
Cacace á 32 A-landsleiki að baki með Nýja-Sjálandi og hefur skorað 1 mark.
Athugasemdir
