Breiðablik pakkaði Egnatia saman, 5-0, á þriðjudag.
Blikar mættu með rútu í Víkina í ágúst 2023.
Víkingur vann heimaleikinn gegn Santa Coloma í Sambandsdeildarumspilinu í fyrra og komst í deildarkeppnina.
Nóg að gera hjá Blikum næstu vikur.
Með sigrinum gegn Egnatia á þriðjudag tryggði Breiðablik sér að minnsta kosti sex fleiri leiki í Evrópu, og munu þeir fara fram næstu sex vikurnar. Ef leikurinn hefði ekki unnist hefði Breiðablik einungis verið öruggt með tvo leiki til viðbótar.
Breiðablik mætir á næstu tveimur vikum pólsku meisturunum í Lech Poznan í 2. umferð forkeppninnar í Meistaradeildarinnar. Sigurvegarinn þar fer í 3. umferð forkeppninnar í Meistaradeildarinnar en tapliðið fer í 3. umferð forkeppninnar í Evrópudeildinni. Úr þessu, í allra versta falli fer Breiðablik í umspil um sæti í Sambandsdeildinni; spilar einvígi í síðustu umferð forkeppninnar í Sambandsdeildinni um sæti í sjálfri deildarkeppninni. Liðið mun því spila Evrópuleik í miðri viku út ágúst.
Breiðablik mætir á næstu tveimur vikum pólsku meisturunum í Lech Poznan í 2. umferð forkeppninnar í Meistaradeildarinnar. Sigurvegarinn þar fer í 3. umferð forkeppninnar í Meistaradeildarinnar en tapliðið fer í 3. umferð forkeppninnar í Evrópudeildinni. Úr þessu, í allra versta falli fer Breiðablik í umspil um sæti í Sambandsdeildinni; spilar einvígi í síðustu umferð forkeppninnar í Sambandsdeildinni um sæti í sjálfri deildarkeppninni. Liðið mun því spila Evrópuleik í miðri viku út ágúst.
Þegar horft er á leikjaplanið hjá Blikum er ljóst að það þarf að færa tvo leiki. Breiðablik á skráðan heimaleik gegn KA í vikunni eftir Verslunarmannahelgina. Sá leikur er skráður á þriðjudag en ljóst er að flýta þarf þeim leik, færa hann á helgi og seinka öðrum leik í staðinn, eða seinka honum til september.
Leikur ÍA og Breiðabliks er svo settur á sunnudaginn 24. ágúst sem er á milli umspilsleikja í Evrópukeppni. Þeim leik vill Breiðablik fá frestað því ljóst er að gífurlega mikið verður undir í Evrópuleikjunum.
Eftirminnilega var leik Víkings og Breiðabliks ekki frestað árið 2023 sem endaði með rútuferð úr Smáranum í Víkina og flestir lykilmenn Blika hvíldu í þeim leik. Í fyrra var Víkingur í sömu stöðu og fékk leik gegn KR frestað fram í september.
Þegar er búið að gera eina breytingu á upprunalegri dagskrá Breiðabliks því leikur liðsins gegn KR fer fram annan laugardag, en ekki sunnudaginn 27. júlí eins og upphaflega var stillt upp. Það hentar Blikum betur að spila á laugardegi því miðvikudaginn eftir leikinn gegn KR spilar liðið seinni leikinn gegn Lech Poznan og fær því aukadag í undirbúningi fyrir þann leik.
Næsti leikur Breiðabliks er gegn Vestra núna á laugardag, Blikar halda svo til Póllands á sunnudag og mæta Lech Poznan í fyrri leik liðanna á þriðjudag.
Leikjaplan Breiðabliks næstu vikur
laugardagur 19. júlí
14:00 Breiðablik-Vestri (Kópavogsvöllur)
þriðjudagur 22. júlí
18:30 Lech Poznan-Breiðablik (Poznan Stadium)
laugardagur 26. júlí
17:00 KR-Breiðablik (Meistaravellir)
miðvikudagur 30. júlí
18:30 Breiðablik-Lech Poznan (Kópavogsvöllur)
þriðjudagur 5. ágúst*
19:15 Breiðablik-KA (Kópavogsvöllur)
5.-7. ágúst 3. umferð í Evrópu (fyrri leikur)
sunnudagur 10. ágúst
19:15 Valur-Breiðablik (N1-völlurinn Hlíðarenda)
12.-14. ágúst 3. umferð í Evrópu (seinni leikur)
sunnudagur 17. ágúst
19:15 Breiðablik-FH (Kópavogsvöllur)
19.-21. ágúst umspil í Evrópu (fyrri leikur)
sunnudagur 24. ágúst*
17:00 ÍA-Breiðablik (ELKEM völlurinn)
26.-28. ágúst umspil í Evrópu (seinni leikur)
sunnudagur 31. ágúst
19:15 Víkingur R.-Breiðablik (Víkingsvöllur)
* Leikir sem þarf að færa
Athugasemdir
