Enciso hefur spilað 57 keppnisleiki með Brighton.
Sóknartengiliðurinn fjölhæfi Julio Enciso virtist vera á leið frá Brighton í sumarglugganum en þarf núna að vera eftir hjá félaginu vegna meiðslavandræða.
Brighton taldi mikilvægt að lána Enciso út í sumar en hann verður að öllum líkindum áfram hjá félaginu þar til í janúar vegna meiðslanna. Sky Sports greinir frá þessu og segir að leikmaðurinn þurfi að fara í aðgerð á hné.
Enciso er 21 árs landsliðsmaður Paragvæ sem kom aðeins við sögu í 29 leikjum með Brighton á síðustu leiktíð. Hann skoraði í heildina þrisvar sinnum og lagði fjórum sinnum upp á um 1500 spiluðum mínútum.
Hann þarf meiri spiltíma á þessum tímapunkti ferilsins, en hann er lykilmaður í paragvæska landsliðinu þrátt fyrir ungan aldur.
Enciso fór ekki með Brighton í æfingaferð til Marbella um helgina. Hann er heima í Suður-Ameríku að undirbúa sig fyrir aðgerð.
Athugasemdir
