Víðir Garði er í slæmri stöðu á botni 2. deildar karla og er búinn að styrkja sig með tveimur nýjum leikmönnum á opnunardegi íslenska félagaskiptagluggans.
Leikmennina ber báða að garði frá Spáni þar sem þeir eru fengnir í tilraun til að bjarga Garðsmönnum frá falli. Víðir er aðeins með 8 stig eftir 12 fyrstu umferðirnar á deildartímabilinu, heilum fjórum stigum frá öruggu sæti .
Annar leikmaðurinn heitir Pablo Castiello Montes og er þrítugur miðvörður sem getur einnig spilað í hægri bakverði. Hinn heitir Ángel Rodríguez-Malo Paredes og 23 ára miðjumaður.
Pablo lék síðast með Real Titanico í neðri deildum spænska boltans á meðan Ángel Rodríguez var hjá Lenense.
Garðsmenn vonast til að Spánverjunum tveimur takist að hjálpa liðinu að forðast fall niður um deild í haust.
Athugasemdir
