Tveir síðustu leikirnir í 8-liða úrslitum á Evrópumóti kvenna fara fram um helgina. Fyrri leikurinn verður leikinn í kvöld og sá seinni á morgun.
Heimakonur í liði Sviss spila við ríkjandi heimsmeistara í spænska landsliðinu í leik sem búast má við að verði gríðarlega erfiður fyrir þær svissnesku.
Spánn slátraði riðlinum sínum á EM, sem innihélt sterka andstæðinga frá Ítalíu, Portúgal og Belgíu, á meðan Sviss lenti í vandræðum í íslenska riðlinum og rétt skreið áfram í útsláttarkeppnina á markatölu.
Þessi viðureign fer fram í kvöld og mætir sigurvegarinn annað hvort Frakklandi eða Þýskalandi í undanúrslitum.
Frakkar og Þjóðverjar eigast við í síðasta leiknum í 8-liða úrslitum annað kvöld. Þessar stórþjóðir hafa báðar verið að spila fínan fótbolta hingað til á mótinu, þó að þær þýsku hafi steinlegið gegn Svíum.
Föstudagur
19:00 Sviss - Spánn
Laugardagur
19:00 Frakkland - Þýskaland
Athugasemdir
